Sa ilawm sa duha ka akasya

Sa atubangan sa dorm, naay duha ka punuan sa akasya. Di ko bal-an kung unsa na ang edad ining mga kahuya. Apan duda ko nga gidungan ni ug tanum kay pareho lang ang ilang gidak-un ug kahabugon. Murag sweet lover ning duha ka kahoy, hawak kamay. Ang ang ilang mga sanga ug mga dahun manag-gakos pirmi. Sila ang mga buhing saksi sa mga panghitabo sa dormitoryo.  Siguro ang edad nila kapin singkwenta na pud. Mau-mau pug ug MSU nga magsdaulog ika-50 nga tuig. MSU at 50: The Gold is here.

Sa ilalum sa duha ka kahoy naay basketbolan. Gibutangan man ug ring matag punuan. Pagtaud sa ring grabe ang tinabangay uy. Naay nagkuha ug kahoy, nagdukduk martilyo, naay nag-andam ug snaks, naa puy sige lang ug ngisi ug hulat hulat nga mudula. Diri ang Muslim, Kristiyano, ug mga Nitibo gadula ug lingaw kaayo. Ang basketbol ang istrumento nganong ang mga dormer close kaayo. Nahimu na kining lingaw. Apan ako di hilig sa basketbol, mulantaw ra sa daplin tabang ug katawa. Apan naay mga higayun nga nagadula pud ko ug basketbol. Kanang ako ra isa. Naa ko’y kontra mga imaginary friends. Kini ang isa sa mga de-stressor diri sa dorm. Kung naay gipanghuna-huna, magdribol-dribol ug bula samtang ginapamanlandungan ang mga sitwasyon nga kinahanglan desisyunan. Ganiha udtong tutuk nagdula ko. Gisingot intawn maayo. Nagpahuway sa pagbasa sa libro ni Jubair nga gi-uluhang “A Nation under tyranny”. Nasayran nako nga daghan pa jud diay ko angayang masayran sa mga kagahapun, isturya, ug mga panghitabo ining pinalanggang Mindanaw. Ang mga Moro grabe ang ilang pakigbisog. Sa grabe kadugay nga panahon nga nakigbisog sila sa mga Ispanyol, sa mga Amerikano, ug karon sa kaugalingon nga mga kababayan nga mga Pilipino. Layu-layu pa gyud ang bbiyaheon sa Kalinaw sa Mindanao. Ang usa ka dakong babag nganong layo pa ang abuton sa Mindanaw tungod kay ang mga Mindanawon wala’y lalum ug tama nga pagsabot sa niagian ning dapita ug mga tawo nga nauna diri. Kung naa ma’y nahibal-an sa kaagi niini, produkto kini sa mga biases and prejudices ug ang mga kulang-kulang nga mga libro ug pabor-pabor nga pagtudlo. Education has the crucial role in resolving the conflict in Mindanao. We are what we believe about Mindanao today largely because of what this institution taught us. Ug ang gitudlo niini mahitungod Mindanao sa lantaw ko murag kulang dyud. Ug sa ini, kinahanglan ang matag-usa to reeducate oneself on Mindanao history. Human nako basaha ang libro nga “The Long Road to Peace”, ug mga articles nga gisulat ni Fr. Mercado, Atty Mastura, Prof Rodil ug uban pa, akong napamanlandungan nga layo-layo pa gyud ug biyahiun ang tinuud ug tumang kalinaw sa Mindanao. Ug karon naa na pud koy gamayng pagsabut nganong kining mga pagpatay, massacre, giyera, ug mga pagbakwit gakahitabo.

Ug nganong naabot man intawn ko ining Mindanao nga mahitungod man sa akasya sa atubangan sa dorm ang akong gihisgutan. Ang oras sa kong celpun alas 6:29 minus fory minutes, kay advance man intawn ni ug kwarenta minutos. Bag-o lang gyud  nahuman ang mga dormers sa usa ka episode pagdula sa basketbolan ilalum sa duha ka akasya. Naay pildi, naay po’y daug pero waly sinumbagay.

Ang duha ka akasya akong pagtuo mag-uban gyud sa hangtud sa hangtud nga malinawun ug managgakus. Ang kamatayun ra gyud ang mubulag sa ila. Unta ing-ani pud ang Moro ug dili Moro sa Mindanao.

 

Advertisements

About bagoy

This is a personal blog of Bagoy. He lives in a peaceful community of Barangay Banate, province of Sarangani, Philippines. He loves to play POG with his nephews.
This entry was posted in Peace, Peaceful MSU and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s